ياابو خط اتسن
خطط خطط احفر واتأن
بتدوس وتعدى من غير زن
طارح للماضى خطوط سوده
ومعاها عالم منحوته
بتبان الوان
الوش مخبى وراه احزان
تنهج نفسك بيضيق
يتبعتر حلمك مع
الكوابيس ويشق
تصرخ صوتك مخنوق
اخرج من حلمى
المنحوس واحاول اروق
فتزيد الرابكه
والخط نازل وبيحفر
كده من غير حبكه
والخطوه بقت بتنهيده
الرجل تقيله وشديده
بصيت فى مرايه مكسوره
اصلى مش عايزه تبان صوره
خايفه مشوفنيش
او معرفنيش
كان فى هناك شعرايه
بيضه معجبتنيش
وبطلت حتى افتح نيش
فيه مرايه بتبين وش
الوش اتخطط
بخطوط غش
الخط اتسن ومن تانى
ماسبنى ولا حتى عتقنى
اوقات الخط بيحرقنى
واوقات كتير بيخنقنى
وحفر حفره قريبه منى
والله ياخط بتقتلنى
وعداد بيعد
وعمال بيمد
استنى ألملم احلامى
وهنقض وهطلع اوهامى
ملعون ابو دا خط انانى
ماشى لوحده استنانى
بتجرى وبتسرق ايامى
خطط يازمان خط واجعنى
دوست بايديك ليه ارحمنى
دا لسه عماله اداوى
والجرح بينزف من تانى
اكمنه جرح قريب منى
وجعه شديد وبيألمنى
خطط وحفرت فى قلبى تابوت
طلع فى وجعى وانا راح اموت
من اغلى الناس
سقونى من كاس
كله مراره
وسابونى لعالم غداره
ماسندونيش
والوش اصبح فيه خرابيش
بحاول امسح فى الخط مفيش
نزلت ستاره علشان مداريش
دمعه بتفضح مافيهاش غش
#نشوى الخطيب*