أصون الود والوداد
.واتألم أنا في البعاد
وانت تخون ودادي
وجارح فؤادي
يامخاصمني ومجافيني
وسآيبني لأنيني
وافكر إيه ذنبي
مالآقي اجابه عندي
وافتحلك أنا الطريق
تسده وتسيبني غريق
وابعتلك مراسيلي
أجيلك أو تجيلي
والقاك تِعّْنِدّْ وِتّْصُدُه
وهجرك عدي حَدُه
ونسيت قلبي شاريك
وللعشره مش ناسيك
والقي نفسي بفكر فيك
إيه بس اللي يرضيك
ويصعب عليا واغضب
وابعد الآقي حالي أصعب
وأرجع أحن تآني
وابكي ع الأماني
واندم ع اللي فات
واللي صبح ذكريات
وانت يا آسي ناسيني
وناسي ودي وحنيني
واحس بهوايا رخيص
وقلبك عليا مش حريص
والحب اللي كان بينا هادي
صبح دموع تسقي وادي
والحزن صبح رفيقي
علي حبيبي وصديقي
وادعي لربي يهديك
وبعد ماتوهت الآقيك
يآللي ضلمت دربي
يهديك ليا ربي
خوآطر.( أشرف الدغيدي )
حقوق الملكية محفوظه