عيش فى حلمك وانسى كل الناس .
بكرة هتجنى صبر وحكمه ويا غراس
جايز تقابل توصف امال معاها حماس
ناس راكبها الغرور ظهرت ظنون افلاس
تحلم بصبح خميل خالى من الوسواس
تبادر بكل الخطى وتنام مع الاجراس
فزع ولهفه وحنين ضروع سدود افراس
حالف باسم الله ليزيل صور متاريس
ويواجه شتى السبل قوةو عزيمه وفاس
وناس تجاهر ببغض وتبان بدون احساس ..
وناس تطاطى لاجل ما تنباس وبعدهاتنداس
افاعى وحبة ملايكة ماشييه بتوب حراس
حامى حمى الغلبان ماسك عصا وكراس
بيحسب الف حساب والمصلحه دى مداس
مشاكل وتعصف ازمتك زى حلم كابوس
م الشدة تبغى قوتك وثبات قلوب ونفوس
وناس عاملة نفسها روبرت نيوتن اقلاديوس
زمن السلاحف طفح وليل نهار ياما داس
والدنيا فيها كولشى مغرور مع هلاس
نفوس لازمها سيجارة والهرس وياالكاس
مخدوع معاه حجته عمره ماعانى وقاس
اويعرف معنى الالم والهرى نحس وساس
مخنوق ودارى دمعته حامل بايده فانوس
لسان ينقط عسل وعيون سهام تنقاس
من شدة الانواء باعد سنا قديس
خيلاء شتات تنجلى اما صحيح مهووس
شمس تحضن خطوته تحمى خيوط متراس
فى ماكينه المفرمه سنون تلف محراس
هز العواصف لظى وكام ضمير محتاس
وعيون تبارك طلته وتقول عليه فراس .
اصل العجين ناقص جايز ازيز مدسوس
ساعات يسابق الريح يشبه لهيب النحاس
وياما قالوا الناس وسواس شيطان خناس
سيبك من الانزحه افضل تبات مفروس
سقف الطموح اترفع والحلم ماخلاش
الحجه متفبركه قناع مدارى عروش
اوعى تعاتب تلوم دنيا ماتسواش.
وكلام كتير فاضى و طبع مايسواش
زلط ودبش وطوب ياما كتيراوباش
والآه دى جوه الحلق ويا كتير منحاش.
وايه يفيد دنيته اما صحيح بكاش.
خيلاء قلى شماء طى الشهامه نقوش
والعثرة سبقت نبرته صرخه بالف رتوش
والكلمه تمحى ذلته قولها بوش بشوش.
ياما داوت بسمتك زى الدوا المرشوش
بقلم محمد عباس
الاسماعيليه .مصر