ـــــــــــــــــــــــــــــــــ
بقلم/ دينا عثمان
ـــــــــــــــــــــــــــــــــ
يا قمر يا منور ليالينا
و محقق بالخير أمانينا
مالك زعلان كده ليه ياحبيب
مش راضي تردد أغانينا
***
قام رد و قال: أنا مش زعلان
أنا خايف بكره الصبح يبان
بنهار مفروش ورد و عناقيد
فخسوفي يبان مليان أحزان
***
إياك يا قمرنا تكون بتغير
و عايزنا نعيش من غير تغيير
الدنيا قسمها اللي خالقها
إلى ليل ونهار، مبصر و ضرير
***
لا سعادة تبان و لا حزن كمان
إلا بتباين في الألوان
لو ترضى؛ تكون أسعد مخلوق
لو ناقم؛ تفضل في الأحزان
***
إوعاك تحرمنا سعادة و نور
و اذا طل نهار استنى الدور
هتجينا تزورنا في ليالينا
نتقابل تاني بكل سرور
نتقابل تاني بكل سرور.
بقلم المتميزة /دينا عثمان