خليك محترم واتكلم معدول
ومتجرحناش بكلامك الخربان
احنا الصعايده ولاد أصول
والصعيدي مش تمثال
كلامنا بالدهب موذون
ومش كل اللي اتكلم وقال
تلاقينا في كل العصور
شامخين كيف الجبال
الصعيدي مش مخ مقفول
ملفوف في عمه وشال
الصعيدي شجره أصول
بتضلل على كل البلدان
جزورها في الأرض محفور
وثمارها طارحه رجال
ما شاخت من مر الدهور
ولا شكت على طول الزمان
تلاقينا دايما على الحدود
بندافع على الأوطان
رجاله حتى لو جدود
ورجولتنا من احنا صغار
وفي المعارك نبقى اسود
وصغارنا تكون أشبال
م لينا في العشق والمعشوق
ونسوانا على الراس تيجان
لو في الحب ندرسوك
متقولي شوقي ولا خليل جبران
نعلمك يعني ايه محبوب
وقلوبنا نهر حنان
الحب مش تقبيل مركوب
ولا لبانه وانسيال
الحب مش يا خوي دبدوب
واغنيه ل نانسي وبسكال
الحب مش الكل يشفوك
على الملأ تقبيل واحضان
الحب مش نط قرود
وقت الشده يطير هربان
الحب شجره ورود
جعلت من القلب بستان
الحب جوا القلوب
مش كام كلمه على اللسان
الحب مسح دمع الخدود
غيره مراجل واهتمام
شاعر العاميه
ادهم حازم السمهودي