سته وعشرين مش مجرد رقمين
حتى لو كانوا فى الشكل مختلفين
رقم باصص شمال رقم باصص يمين
لكن فى الحقيقه على بعض باصين
سته وعشرين
سته وعشرين سنة واحنا متفرقين
ولفت ودارت واتغيرت بينا السنين
غيرت فينا الملامح قيدت فينا الحنين
صحت كل المواجع اشتكى منا الانين
سته وعشرين
سته وعشرين سنه فى الظاهر كلمتين
بشوف كل إللى عدا كأنة من يومين
واقول لقلبى اهدى عايش عمرك حزين
واروح نفس المكان هنا كنا متقابلين
سته وعشرين
سته وعشرين سنه اتمنى سلام بالعين
النهار ه ظهرت فجأه معرفش جت منين
خلت لوجودى معنى يدوب فى جملتين
ياريت افضل اشوفك بدعى واقول امين
سته وعشرين
كلمات
محمد السيد سالم