كنت ورده وانا جنايني
كنا بنكمل بعضنا
كنت شايلك وانت شايلنى
مشتكاش يوم كتفنا
رضا القلوب كان جابرنى
تكون انت منى انا
ما فكرتش يوم تبعني
وتنسى ايام الهنا
قلت ملل.. حبه زعل
مسير الحنيه تضمنا
و طال الغياب و امل كذاب
بيقول لي هترجع لعشنا
لما توهتنا الليالي
اختفيت عن شطنا
خليت احساسي وجعني
لما اتنكرت لحبنا
وعمر بطوله تخدعني
و ايامى لعشرتك مطمئنه
طلعت من فصيله القطط
فصيلتك غريبه عن دمنا
يا ترى احنا اللي غلط
ولا ..ده من سوء حظنا
خساره فيك العتاب
خلاص ما عدتش تهمنا
******************
وحيد احمد
