==============
يادوب الوقت بيعدي
مابين وحده
ظروف جاحده
تجيبني الدنيا وتودي
وبيا الوقت بيعدي
مع الوحده
بشوف حالي دا مش حالي
وليه دا كله يجرالي
كما المسجون مابين قضبان
ومين يدري بأحوالي
لكن ودي
اعيش لو حتي علي قدي
واحس بضحكه جوايا
متبقاش دمعه علي خدي
وبيا الوقت بيعدي
مع الوحده
ظروف جاحده
أنا العايش مابين حلمه
وبيعافر عشان يوصل
لكن محروق كدا في دمه
مابين همه
ومين يبقي عليه حنين
دا غير بس أبوه وامه
انا الفرحه اللي مكبوته
لقصه من ليالي زمان
لفارس عاش مابين احزان
حكايه لألف حدوته
لكن جوايا مكبوته
ولا بيدي
وبيا الوقت بيعدي
مع الوحده
ظروف جاحده
انا جوايا احلامي
مداريها
مخبيها
اخاف لو صح يوم هتبان
تروح مني وماالاقيها
طموحي فيا غايبه
حبال حظي كمان دايبه
وليه مغصوب عليا اتوه
وليه قالو مافيش فايده
ولا يحبك في يوم واحد
ولا تحبك كمان واحده
وبيا الوقت بيعدي
مع الوحده
ظروف جاحده
================
✍️. احمد طلبه