(ماتجرحش القلب اللي يوم حبك)بقلم الشاعر/مدحت يوسف

ما تجرحش القلب اللي يوم حبك
واتفتح لك ورحب بك
وعاند كل كلام الناس
وجري عليك وراح قابلك
ف كنت أول حبيب حسه
وما شفش يوم فرح قبلك

وفي يوم همك
كان أول إيد تطبطبلك
وفي يوم فرحك
كان مزمارك وكان طبلك
وفي يوم جرحك
كان بروحه يتطببلك

ف كون نسمة
بكل الحب توصله
وكون بسمة
ف عز الهم تحصله

ولو ف الحزن نزل دمعه
داوي بنظرتك جرحه
ولو محدش في يوم سمعه
ف كون انت سبب فرحه

وإوعى تروحله وتعايره
ولا تقوله ان ده فضلك
ولو باحلك تصون سره 
لو جه يوم يفضضلك

وخلي احلى ساعات عمرك
يوم م تشوفه ويقابلك
وافتكر إنه في يوم همك
كان أول إيد تطبطبلك
وفي يوم فرحك 
كان مزمارك وكان طبلك
.
من ديواني _لسه_بحبك
.
*
*
#مدحت_يوسف
.
 18/4/2020