أحوال الدنيا رايحه وجايه
مابين تعاسه ومابين ضحكايه
فروق فرديه ف.العطاءات
وكمان ف.اللبس فيه فروقات
ده قميص وده تي شيرت وده جلابيه
وكل واحد معجون بثقافته
ومعاه لغته اللي سانده حضارته
زمان كانت اللغه العربيه
النهارده الأفضل مع الإنجليزيه
هيتوفر شغل وكمان ماهيه
الدنيا حضاره وإيد شغاله
وإنتاج زايد واختراعات
واللي بيستورد محتاج للمورد
اجهزه وأسلحه وصناعات
أغذيه وأطعمه واكتشافات
الغرب مسابق بمراحل
والعلم سيد الدنيا
بنتعلم منهم وبنذاكر
بس ياترى بعد كورونا
هيستمر الغرب على وضعه
واللا عن وضعه هيبتأخر
واحنا هيبقلنا دور أكبر ...؟
أسامه عبد القادر أحمد