♕♕♕♕♕♕♕
ليه القسمه معطوبه
والحظ ناعث فى آخر نومه
ولا عيب اختشى وفوق
حقق آحلامى
دا أنا حلمى بسيط
مش مغلاوانى
هى عشه من قشه
جمب توته فى حضن ترعه
فيها بساط مغزول من القش
الوانه ترد الروح رد
وقله مليانه ميه
اسهر ليلى يطل القمر
بنوره عليا
من وسط ورق الشجر
يهل نوره على جبينى
اغنى معاه مواويلى
ياحظ دى حلم صعيب
دا أنا حلمى بسيط
بحلم بنسمه منديه
تعدى ترمى السلام عليا
حمله جواه تيابها أمان وحنيه
يطبطبو عليا من غدر البشر ليا
دى يبجى حلم صعيب
دا انا ياحظ حلمى بسيط
بحلم بلمسه لمية النيل
تشفى منها العليل يطيب
ومنها دواء للعين
تنضر العدو من الحبيب
اصحى ياحظ
دا انا حلمى بسيط
♕♕♕♕♕♕♕♕
ام سلمى العتر
♕♕♕♕♕♕♕