معقول أدخل قلبك بجواز سفر
وعلي بابه مايلقوش ليا تأشيرة
انا اللي كنت ليك عشق إتحفر
والقا أمانيك ليا كلها مكسورة
حسيت إني مقطوعه من شجر
واللي قولته مكتوب بطباشيرة
حياتي معاك كانت شنطة سفر
وكانت عايشة ليك دايما أسيرة
ولما إتفتحت اللي جواها إنفجر
وكانت كلمه بتتكتب ع السبورة
خلتني أعيش أمل شطبه المطر
والوان نقيتها ملهاش أي صورة
بانت ضحكتك لما القزاز إتكسر
ولما ذاد جوايا الشك والحيرة
ولقيت ورودك بتتغير ذي البشر
لما لمحتني بسمتها بقت تكشيرة
وحقيقتك بانت وعرفها القمر
لياليه باتت حزينه مقهوووره
ونوره إطفي ومبقاش فيه سهر
ونزلت ستايره بالنهاية الأخيرة
............ حسن الشوان ................