من كل هم الاوبئه
لو حتي روحت المحرقه
اسمك شفا
ارضك عيونها للسما
الكل خايف انما
لسه الامل لون الخضار
ما انتي اللي موال النهار
وجبين ولادك ف السمار
قادرين يعيدو الملحمه
قومي اطرحي
اصعب ما فيكي وفرحي
واطمني وقت الوجع
لساكي عايشه بملمحي
شبهك انا
وشبه تاريخك من هنا
يحكيلي عن فيض الكريم
والطور شهادة للايمان
لما التقي موسي الكليم
يسمع لصوتك يا عليم
ويطمنه أنك يا غاليه ف حماه
لا وباء ولا شيطان رجيم
يقدر يهزك من مداه
ربك بقلبك كان رحيم
خلي حياتك طوق نجاه
بس ارجعي للذكريات
وافتكرى م الزمن اللي فات
لو مرة جه خوفك يطول
لما وقفتي في الثبات
تتحدي ريتشارد والمغول
ما انتي اللي اسمك ف الآيات
يتوضي من طهر النزول
وتخافي ليه
واحنا مشيئة ربنا
من غير سبب جاي الميعاد
بكره هنمشي كلنا
بالاذن من رب العباد
ميهمنيش في الصعب حالي
بس فارق اني اشوفك
بعد موتي في العلالي
لا متخافيش