************
لأمتى الحزن راح يملك .... هوا نيلك
لأمتى الخوف هيتملك ..؟.. على عيونك
لأمتى بس راح نسمع صوت السجان يغنيلك
ياملكه ف الفؤاد قلبي خلاص مليت سكوت ليلك
بطل مرسوم علي دمي
بيكدب لونه مش همي
وتيجي الصوره ف الجورنال
بانه حزين بكي يا امي
وياخد الصوره واللقطه
يكون مفهاشي ولا غلطه
تكون الصوره محرومه
بتشحت كلمه ف محطه
ويخدعنا بتسبيله
ووش حزين بتكشيره
تكون الخطه مرسومه
يشوفها القلب بعنينا
وبعديها بيجي نفاق
كلاب وعديمة الاخلاق
بيحكوا القصه معكوسه
بزيف كامل وراها رياء
بيكدب كل يوم كدبه
مرض مزمن وفيهم داء
يغير ف الحقيقه رباع
وف الشاشه ضميره باع
بيسرق صوتي بكلامه
ومن ظلمه عنيت اوجاع
انا نفسي اكون ليكي
حصان جامح ويهديكي
تاريخ مرسوم على قدك
بيوصف فرحه لعنيكي
يكون مفهوشي غير حبك
بيحكي عن جمال قلبك
يطير الطير بعيد لكن
يعود يرجع ...... يجي ف حضنك
***********
عمرو تمساح ابوسفيان