الفيس بوك حلال ولا حرام
وما حكمه فى الاسلام
قالى يا ابني حسب الاستخدام
هو ايه اللي حصل يا دهمان
قلتله يا شيخنا مسكته العيال
اللي بيشتم واللى لعان
واللي علي تربيته بيبان
كأنه يا مولانا مولود فى حمام
قولى يا شيخ حلال ولا حرام
قولتلك يا ابنى حسب الاستخدام
فيه كتير بينشر احاديث وقرآن
واللي بينشر ادعيه واخبار
ياابنى ليس المؤمن بالطعان
ولا الفاحش ولا اللعان
اما غير كده عيال فى عيال
دي قله تربيه وطول لسان
وفي داخله مرض ونقصان
يا ابني دا عقله تعبان
ما يحترم كبير ولا يعطف علي صغار
الفيس شايل كتير يا ابنى
يكون راجل ومسمي نفسه منال
واللى فاكر نفسه باشا
واللي فاكر نفسه فاندام
انصحني يا شيخنا اعمل ايه
قاللى عليك بالصمت
ده زينه الرجال
وامسك لسانك هو ده الحصان
وماشي راجل وابعد عن الجبان
واشتري نفسك وسيبك من كلام العيال
وخليك حريص فى الفيس والانستجرام
السكوت يا ابني مش زل ولانقصان
وخلي اللي يبرطم يبرطم ده انسان خربان
فهمت بقي يا دهمان
ولا اقول كمان
شاعر العاميه
الدهمان ابوالاداهيم