فى عيونك
شفت الحرية
جاية بترقص
ع المية
كعروس البحر
وحورية
ملايكة او قول
جنية
لكن
فى رموشها
كل امان
وجنب الننى لهفة
شوق وهيام وحنان
ورموشك سودة
وشط زتون
ريحة الياسمين
ومعاها لمون
وصوابعك اجمل
م المرمر
بتلامس خدى
وبتنور
والقانى مكسوف
ومقشعر
ولونى الورد بيتغير
يقلب اصفر
يقلب اخضر
يقلب اسمر
تقرب اكتر
اسكر من ريحك
والعنبر
راح تتنهد
ريحة الكوثر
وكل الدنيا بتتعطر
ريحتك اكبر
وجهك ازهر
سبحانه مين
خط قوامك
سبحانه مين
فعلا صور
سبحانه مين
جلى جلالك
سبحانه مين
بدرك اسفر
فريدة عقد من عسجد
لا انت الاكتر
النهر بيجرى فى عروقك ؟
انت الاطهر
الورد وبستانه خدودك
انت السندس والعبقر
من كل شبيه
تلقى المليون
لكن منك فعلا اوتر
لم تتكرر
لن تتكرر
لاتتكرر
كل الخلق اتجمعت فيك
تاخد منك ماتديك
وايه تعطيك؟
وهى الذرة بين اياديك
وفى عز القرب
بتشتاق ليك
حتى الصخرة
تنادى عليك
وندوة فجر
دى دمع عنيك
ونجمة ليلنا
تنور بيك
مش تهديك
غرة وجهك
شمس الصبح
بتطلع فيك
مهما تشرق
مهما تغرب
سر الحب دامستنيك
حتى توقع له بشفتيك
تطبع بوسة الشوق
بجبينه
تحلى سنينه
ويحلف بيك
يرقص
يحى تراب الكون
تلقى عجايبه فنون وفنون
اللى يشوفه
يقول مجنون
صير قلب الوحش حنون
تعرف ليه؟
اصل عيونك احلى عيون
ياللى غرامك
فتح قلب الاعمى عيون...
......دكتور احمد عبد الرحمن