من ديوان( ابتسامة من رحم الأحزان)
بقلمى / منى حمد
لساك بتضفر فى دموعك
على وتر الضحكه المسروقة
من نور أيامك
لساك بتدور فى كمانك
على عزف يخدر أوجاعك
اربط أحلامك على كفك
وسابق الريح
خليك ورا ريحة الشمس
العطشانه لنسيم ايامك
هتطيب ياجريح
واوعى تخنق بين جفونك
نظره طلت جوه قلبك
خلى بكره يكون حنينك
يغسل الليل من ملامحك
مين اللى قال
لو يوم زرعت الشمس
هتحصد حرها
ابدور بذور الأمل
واسقيها صبر
تحصد جمال مليان فرح
طعمه دفا
منى حمد