( اتصالحنا)
اتصالحنا بعد
عتاب طويل
ودموع عنينا
ع الصلح شاهدين
وخلصت مناديلي
وقلت له هات منديل
ابتسم
ومسح لي بايده
دموع العين
ودبت انا وداب قلبي
في بحر من الحنين
وفضلنا ساكتين
دقايق
ساعات
اد ايه والله
مش فاكرين
وحضنت ايديه
اديا
وعنيا سافرت
في عنيه
وفي عز السكات
قلنا كلام كتير
قالي سامحيني
قلتله
مين يسامح مين ؟
قلتله
احنا بنحلم ولا صاحيين ؟
قالي
ان كان حلم
خلينا نايمين
وان كنا صاحيين
اكيد في الجنة
عايشين
آه يا حب
لو تسيبنا على
دا الحال
باقي العمر
وباقي السنين !
احمد شكري 01114562261