.. بالعامية المصرية ..
.............( بَصَر على سفــــر .. )
كتيـر بقرانــــى فِ العتمـــــة
فَ معرفنيــــــــــــــــــــــــش .
فَ أســــــال عنــى فِ الأمــة
بـــــــــذوق وشويــــــــــــــش .
أنـا ع الحـــــق فِ الأزمـــــة
وجمبــــــــه بعيــــــــــــــــش .؟
ألاقـــى الـــــرد يلاقينـــــــى :-
قليــــل الحيلــــــة يا عينــــى
وغِنـــــــــاك تفليــــــــــــــس .!
فَ أخلـع راســـى بدماغــــى
وأبص بروحـــى فِ كتابـــى
و كان مفتـــوح ومتصـــــور
أناغـــى حســى وألاغـــــــى
المرايـــــــا فِ النـــــــــــور
بعيد عن عتمــة الغُربـــــــة
وحيلــــة أوشهــــــــادة زور
أشوفنى فِ سيرك فوق الحبل
بحـاول أنــــــط أو أمشــــى
وبلعـب دور مهــوش دورى
أقـع وبسرعــــة من طولــى
حــلاوة الـــروح تقوينـــــى
تاخدنى الهمــة من إيــــــدى
أقـوم فِ التــو واللحظــــــة
وأحمــد ربـــى بيقينــــــــى
سقطت ؛ ولسّة على دينــــى
أنَفَّض - م الضلام - توبـــى
أعيد حساباتــى من تانـــــى
ألاقينـــى أنــــا الجانـــــــى
ومجنـى عليّــــا بإيديــــــــا
فأنوى إنى أقــوم أصحَّـــــح
وأصلَّح ضهــرى المحنــــى
وأحْيِّـى سُباتــى ومواتـــــى .
بسكيــن الضيــــا أدبحنــــى
وأقطعنــى سبـــع أربـــــاع
وأوزعنــى على الأيــــــــام
وليـــل البُعـــد والغربــــــة
وأحـاول أنـــام بلا أحــــلام
بنفق الوحـــدة والوحشـــــة
وأصْحَى من مواتى أنـــــام
تخدنى ريح هوى الرعشـــة
يعدى الليــل مع العتمــــــة
أقوم مفــزوع من الفرشـــة
يطيـر النــوم من عينــــــى
يحلق فِ الفضــا العالـــــى
أقول :- تعلالـى يا غالــــى
واحشنـــــى كتيــر واللــــه
هعيشـك أحلــــى أيامــــــى
ولياليـــــا ؛ وأحلامــــــــى
خلاص الفجـرع الأبـــواب
وطارت العتمـة م الأعتـاب
وهقرانى بعيــون حاضــرة
ألاقينى ونورالحق فِ يمينى .
............................
كلمات / محمد عليش متولى .