لسه دعاكي معايه يا أمي
ـــــــــــــــــــــــــــــــــ
شعر/ دينا عثمان
ــــــــــــــــــــــــــــــــ
مهما بعدنا بعد الكون
هفضل احبك مهما يكون
دا انتِ الكل وست الكل
دا احنا حياتنا بعدك ذل
مبقاش فيها نور ولا ضل
دا انا لو اطول اوهبلك روحي
ياللي داويتي كل جروحي
انتي حياتي وأملي وعمري
وعمري ما يغلي عليك يا أمي
مهما ان قلت كلامي شويه
باللي غرست الحب ده فيا
تدعي بقلبك، يسمع ربك
ألقى ابواب الخير قدامي
فاتحه عشاني تقوللي تعالي
أجري عليكي وأقول وحشاني
يا أما يا ماما ياست الكل
ياللي عبيرك ورد وفل
يخدني شوقي قوي واتمنى
إني أتوه وانساني في ضمة
ألقى الدنيا في بُعدك ضلمة
اجيلك أشكي كل ما بيا
ألقى التربة ترد عليا:
"اوعي تخافي
ربي معاكي"
فيزول ألمي وحزني وهمي
لسه دعاكي معايه يا أمي
لسه دعاكي معايه يا أمي.
بقلم /دينا عثمان