الشاعر محمد شعلة
جمهورية مصر العربية
""""""""""""""""""""""""""""""""
لو جيت في يوم إشتقتلك
هقتلك وأقتل الشوق بإيدي
همشي ع الأشواك تجرحني
أترجى فيها و أقول زيدي
مش هبكي أبدٱ ولا هأتالم
مهما دمي يسيل من وريدي
كل نقطة تنزف بيها روحي
تمحي ذكرى وتشد عودي
وإن كان على قلبي هيتعود
يكون سجين قفص حديدي
جوه صدري خلف ضلوعي
يحميه جيش من جنودي
صبري وعزيمتي وإرادتي
سلاحي و حائط صدودي
ياللي سقيتك شهد حناني
هتشرب مر بعادي ياسيدي
لو يوم فكرت تقرب مني
مش هتتحمل قسوة ردودي
لومش مصدق كلامي جرب
قرب وإنكوي بنار صمودي
ياللي كان حبك حياتي
وكان كمان بستان ورودي
هجرته ليه و جنيت عليه
دبل ومات على خدودي