🌴{عـــــــــــــــــــــادى}🌴
ايه يعنى عادى
اللى بيحصل للمسلمين
اخواتنا جوه بلاد الصين
حصل من سنين وسنين
فى فلسطين
وفى العراق
وف سوريا
وفى الشيشان
وافغانستان
والبوسنه والهرسك
وبورما مش بعيد
ونلوم على مين
ونعاتب مين
وكلنا شافين بالعين
وكله عادى
المسلمين مليار وفوق
لا ليهم عـٍزه ولا حقوق
وقلبى على حالهم محروق
وتقول لمين وتعيد لمين
لا حياة لمن تنادى
ايه يعنى عادى
عـــــــــــــــــــــــــــــــــــادى
🌴🌴🌴
مافيش دمار
الا ف بلاد المسلمين
لأنهم مستضعفين
ضايعين دنيا وضايعين دين
مالهمش سلطه ولا قرار
متفرقين بينهم حدود
وعدو فى الأوطان لدود
وعميل خاين فينا وغدار
والجار ماهوش حاسس بالجار
على بعضهم اقوى وشطار
متشتتين مـُختلفين
ولا مرة تتلم أيادى
وتقول لمين وتعيد لمين
مافيش أمل مهما تنادى
ايه يعنى عادى
عـــــــــــــــــــــــــــــــــــادى
🌴🌴🌴
المسلم ديما مظلوم
فى كل بلاد الكون مهضوم
بالإرهاب دايما متهوم
وان جى يطالب بحقوقه
الدنيا عليه بالظلم تقوم
والكل يبقاله مـُعادى
ايه يعنى عادى مسلم يموت
ماحنا أخدنا على السكوت
وبقينا تحت دروس الأقوى
اضعف واطرى من البسكوت
لا لينا رأي
ولا لينا قيمه
ولا لينا صوت
اضعف بشر فى الدنيادى
وتقول لمين وتعيد لمين
مافيش امل مهما تنادى
ايه يعنى عادى
عـــــــــــــــــــــــــــــــــــادى
🌴🌴🌴
حكامنا ع الكراسى خايفين
موجودين مش موجودين
ومافيش واحد منهم قادر
يقول انا هبأه صلاح الدين
شافين بالعين
علطول ساكتين
ومش قادرين
يحمو بلاد المسلمين
واللى من الشوربه اتلسع
عـَمال بينفخ فى زبادى
وتقول لمين وتعيد لمين
مافيش أمل مهما تنادى
ايه يعنى عادى
عـــــــــــــــــــــــــــــــــــادى
🌴🌴🌴
العزه والنصر الأكيد
فى كتاب الله المجيد
وسـُنة الهادى البشير
همـّا دول اقوى سلاح
وضربه للأعداء تـِوجَع
همـّا دول شمس الصباح
يالـّه بصدق ليهم نـِرجـَع
ونحط القلوب والأيادى
وتقول لمين وتعيد لمين
مافيش أمل مهما تنادى
ايه يعنى عادى
عــــــــــــــــــــــــــــــــــــادى
* *** *
لوم
شاعر الإحساس
رضا عبد الحميد