قلب وشك فى الفتارين
لمح واغمز للبسمه الماشيه
قصادك برمش العين
اديها عنوان لمقابله
فى سفح الضحكه
او نمرة سريه لفرحه
ابو بوسه شقيه عل الطاير
من نونو لبنوته بضفاير
اوعاك تكشر وتبوز
وبلاش تقلبها نصايح
انويه الصبح تتفاءل
وتزرع البسمه على وشك
وزع الضحك على كل الخلق
المعذور والمضايق والساكت
واحلف بالماضى والحاضر
ماتفوت فرض ولا سنه
فى تبسم ولو حتى مش راضى
او مش فاضى او محزون
ربك عنده كل المخزون
يبعت لك افراح وقصور
ومال محبوس وقبول
ويرد صدقتك للناس بألوف
اعمل معروف وسيب المالوف
رد السؤ بالخير الباقى
ربك عالم باللى قصادى