شعر / سعاد سعد
ينده لى اطير ..اطبخ واشمر
مقلى ومشوى ..كمان المحمر
إشى بالدقة وإشى بالتوم
اكل يكفى ييجي 100 يووم
ياكل و يشرب ويبوس إيدى
يلا حبيبتى تعيشى يدوم
ويجرى اوام.. ع النوم ويخمر
لما انادى يا سبعى ..يزوم
داعية لى امى يا سكر زيادة
ليه تظلمينى وظنك يحوم
لاجل هروبي هقدم إفادة
وجفنه مغمض ما حاول يقووم
يا قمرا يا نيتى يا قايمة برعايتى
أمسى ف حلمى واصبح عليكى
يا شمعة لليلى .. يا قمرايه إيدى
يا غاسلة وناشرة وكاوية الهمووم
عمرى مخدة .. وهفرشها ليكى
إضحك عليا وقسم يا سيدى
نام واستكنيص دا نومك عبادة
دى عيشة ترابها يتاوى النجووم