أمي يانبع الحنان والطيبه .
يا ٱغلى واطيب وارق حبيبه. .
قصة كفاحك ومشوار نجاحك. .
ديوان شعر فيه ألف قصيده. . من يوم الفرح وأول تنهيده. .
فرحانه بفستان الزفاف وسعيده. .
قلبك كان طاير من القرحه. . وعريسك سعيد سعاده اكيده. . في الصباحيه من الصبح صابحه. .
ست الحسن من حسنك فريده. . في اوضه في بيت عيله. . أول واحده شالت الشيله. .
وشهر والتاني . بدٱ الوحم. . واول جنين. سكن الرحم. .
طبخ وغسيل والحمل تقيل . وجسمك نحيل من التعب ما اترحم. .
حمل ورا حمل ورا حمل ورا حمل . وولاده ورا ولاده ورا ولاده. .
بنتين وخمسه من البنين. .
حمل ورضاعه وسهر سنين وسنين . تربي وتكبري والله أكبر الله أكبر . خمسه وخميسه من عين الحاسدين . كبرت وكبرنا ولحد دلوقتي بتشلنا . اصيله طول عمرها عفيفه وحره. .
صابره مع جوزها على الحلوه والمره. .
ولا يوم من حياتها اشتكت مره. .
هو كمان من حبها مجبلهاش ضره. . وكبرت وبدل ما ترتاح وزاد حملها. . ربتنا واليوم بتربي في إبن ابنها. .
يارب احفظها وطولنا في عمرها. .
تطلب وتتمنى واحنا تحت أمرها . ومتحرمناش يارب دايما من عطفها. .
وإجعلنا دنيا وآخره تحت رجلها. .