كلمه بقت مخنوقه
وباتت جوا الحلوق
والأنسان بقي درويش
تايه عمره ما هيفوق
خايف يقوم ويصرخ
في سرير قهره مشنوق
ليله يحلم ببكره
هيشوف شمس الحريه
ونسمة فرح وشروق
طلعت شمسه مخنوقه
وقمر ليله كان مشقوق
يا حالم بالحريه
وجواك سجن كبير
أوعاك تخاف من سجانه
بكره جاي ويحلي الشروق
وشمسك تملي الدنيا
والظالم بكرا يفوق
عيش أحلم ببكره
وما تقولش بكرا مسروق
شمسك هتشرق حريه
وهتبقي من قهرك معتوق
خلي حلمك صرخه
وميبقاش منك مسروق
ما تقولش الارض عطشه
وهتوه بين الشقوق
اوعاك تخنق الكلمه
وتقتلها جوا الحلوق
بكرا اكيد أحلي
وبعد الضلمه يبقي شروق
كلماتي أندرو فرج
عاشق نيلها