شعر سعاد سعد
قالى
كيفك
قلت له
عشقانة طيفك
روحى فيك والقلب ضيفك
قال
محبة
قلت له
طب حبة حبة
وف غرامه العمر هدى
قال تعالى
قلت له
انا مهرى غالى
رد قالى
دهبى يا شمس عمرى
روحى ليكى وحر مالى
رحت رامية طرف شالى
بالحيا والمفهومية
قلت له العشق غيه
روح لابويا وقول لخالى
قال
شاريكى وروحى فيكى
قلت له
قرب شريكى
راح ضحكلى
شفت سنه نور يلالى
قلت إمتى تكون حلالى
قالى
سمراعشقت طيفك
روحى فيكى وقلبى ضيفك
قلت له
وانا ظل صيفك