سكوت بيتكلم
أصعب حاجه من الفراق
جرح قلب بيتألم
الجفا والقسوه والبعد
جديد علينا ومنك بنتعلم
كسره قلبي وحيرته
أتعودنا وأدينا بنلملم
غربه روحنا وسط بيوت
بنيناها في أحلامنا بتتهدم
بحلم بيوم أشوفك فيه
ترتاح العين ويهدي القلب ويسلم
والقلب رافع رايه الشوق
ويشكي لله بُعدك ويتظلم
دمع عيني ع الخد سال
والشوق لك يغلبني ويصمم
ذكريات الماضي هتفضل
جوانا صراخها متكمم
مستني مني أفضفض
بعد القلب ما أتألم
لا وحياتك أنا كرامتي
علي الراس شاش بتتعمم
أصعب مافينا سكوتنا. بيتكلم
أصعب مافينا سكوتنا. بيتكلم