.....................................
لسة فاكرها ولسة ف عقلي
رغم العمر ورغم الحال
كنت زمان أتمنى احضنها
ولا ابادلها الغرام بغرام
لما كنت أشوفها أتلخبط
والدم يسيل ف الشريان
آة ياحب ديما تلعب
واخدنا يمين ووخدنا شمال
كانت اجمل حاجة ف العمر
وست الكل وملكة مثال
لما كنت أنام احضنها
زي كتابي ف حضني تمام
كنت زمان أرصدها بعيني
فين ماتروح وف أي مكان
وعند عتبة بيتها اريح
وأسئل عنها كل الغلمان
حتى اصحابها عشقت
ريحتهم
بس فهمومني غلط ياسلام
كانوا فاكرين بعشق
طيفهم
ومش فاهمين قلبي الحيران
زهر شبابي تاه ف حروفها
وضاع وياها ف كل أوان
نظرة عيني طلعت كدابه
يارتني سيبت لساني قوال
آه من الحب العذري ياصحبي
ضيعها ف لحظة طلع خوان
لعنت ايامة ولعنت سنينة
سهرني الليل ف دموع غرقان
لسة فاكرها ولسه ف قلبي
وصورتها هاتفضل
ف حضني كمان ..........
رغم انف الدنيا ياصحبي
هاتفضل هيه أميرة الكون
صحيح العمر غير ف صورتها
بس القلب عشيق ولهان
مهما يغير كل جمالها
القلب أصيل مش حد جبان
بصي يادنيا انتي كدابة
رغم المر ورغم الأذعان
هاتفضل هيه اللى جوايا
واشهد عليه كمان يازمان
.....................................................
بقلمي / جمال حلمي
......................................................