...#تسمحيلي_يا_دنيا#...
☆☆☆☆☆☆
كلمات/ علاء أحمد عبدالنبي
********************
تسمحيلي يا دنيا أقولك.....
ع إللى فيكي بإختصار....
القوي عايش في ضلك.....
والضعيف عايش في نار....
واللي عاش مستني حقه...
طال عليه الإنتظار.....
واللي قادر بالدراع....
والضعيف هو إللى ضاع...
وإنتي بتدوسي عليه...
لية بقيتي يا دنيا غابة...
لية يضيع حق الغلابة...
وإنتي قاصدة تضيعيه....
مش كفاية إنه ضعيف...
مش لاقي فيكي حتي الرغيف..
من طول ليله بينام خفيف..
وإنتي حاطة عليه مرار...
تسمحيلي يا دنيا أقولك....
ع إللى فيكي بإختصار.....
القوي عايش في ضلك...
والضعيف عايش في نار..
و إللى عايش مستني حقه...
طال عليه الإنتظار...
دا القوي بتقوي فية...
واقفة معاه بتسانديه..
وبتديله كل حاجة.....
كأننا مش موجودين....
ماشية معانا كدة بوشين...
والعملية مش محتاجة...
إنك تبقي والزمان...
على الضعيف والغلبان..
إللي مشافش منك حنان...
وشاف آسية وإنكسار....
تسمحيلي يا دنيا أقولك....
ع إللى فيكي بإختصار....
القوي عايش في ضلك.....
والضعيف عايش في نار...
واللي عاش مستني حقه...
طال عليه الإنتظار....