________ حنيت بترابها إيديا _______

________ حنيت بترابها إيديا _______
حنيت بترابها إيديا
وجوايا نيلها الصافي
صورتها جوه عينيا
ونبضها ف قلبي دافي
طيفها بيحوم حواليا
وبصماتها علي إكتافي
مصر أم كل الدنيا
ملامحها في أوصافي
مصر برضاها عليا
بتخليني قوي متعافي
مصر قريتي ومدينتي
مصر اللي تعبت عشاني
مصر شطي و سفينتي
مصر حبها جوايا رباني
في كل مكان حبيبتي
ودمها بيجري في شرياني
بيروي نخلي وفصيلتي
والخضرة بتنور غيطاني
مصر أم عيون كحيله
مصر فخري و بنياني
مصر أم الرموش ضليله
مصر عمري و كياني
مصر العيلة الأصيلة
تاج علي راسي و زماني
مصر الحضارة والمنارة
مصر تاريخ كل أجدادي
في كل شارع وحارة
مصر أهلي وأبويا وولادي
_____________________________