زمن الكهربة
مصطفى قمر
يا امه فى زمن الكهربة
حال الخلايق مسغبة
فيه ناس كتير متعصبة
وناس تاريخها فى مسطبة
ناس سعيها على قدها
وناس بتنهب بعضها
وناس حسيسة فى دمها
وناس خسيسة فى طبعها
وناس زمانها داير بها
وفيه حيتان تلعب بها
وخلق بايتة بدمعها من همها
يا امه الزمن غير الزمن
الناس بقت تهوى العفن
تعشق جدال مر وشجن
يا امه زماننا زمن فتن
فيه الامين لا يؤتمن
اما العفش اللى بتمن
لا يتحبس ولا ينسجن
مهما خبز والا عجن
وابن ذوات اه يا زمن
وعارف لغات وشارب لبن
اما احنا طفحين الرضاع
واصيلنا يا مه لوطنه باع
ومهما عطش ومهما جاع
خسيس ونطع من الانطاع
لا له تمن ولا يؤتمن
ولا عمره راح يعدل شراع
مصطفى قمر
