قصيدة باللهجة العامية ...بعنوان ...
ما أصعب حكم الأقدار ... بقلمي ...
................................................
كل ما بحاول قرب جد
بلاقي بيني وبينن سد
بحرن موجو فوق العادي
مرة جزر ومرة مد
قربن بركان ومن نار
إن فار بيعلى فوق الحد
سيل وجارف مع إعصار
بيكسر حتى غصون الورد
..................
ما أصعب حكم الأقدار
مالنا فيها سلطة ويد
ولما بتحكم يا ستار
متل السوط بتجلد جلد
بالدنيا مافي انصاف
السيد عم يخضع للعبد
وياما ناس من الأشراف
ساري عليها حكم الوغد
...................
قولولي شو يلي صار
اغتالوا الطفل بقلب المهد
وانقتلت حتى الأحلام
الكانت حلوة و متل الشهد
بالكون اختل النظام
وصار الليل بطعم السهد
وزادت بالقلب الأحزان
وماعاد دقنا طعم السعد
...................
من قهري طبعي محتد
بدي كسر بدي هد
ودمي عم يغلي بعروقي
وصوتي عم بيرعد رعد
رح صلي بهالليل الهادي
وإدعي ربي من كل بد
تايبعد عنا الأشرار
الماعندن عهد ولا ود
......................................
ملك محمود الأصفر
