اول الوصف ملامه ..ياميت خسارة وميت ندامه
حتنده بإسمها يوم القيامه ..أمى دى ال شالتنى ياااما
ياما قالت خلى بالك إوعى ياابنى الدنيا تاخدك
وماجيش فى يوم فى بالك .اوعى ياابنى يلهيك حالك
تلقى هم الدنيا جالك ..وال حتعمله فى دنياك
بكره يخلصه منك عيالك
حكمة أمى لما قالت ال غايب ليه مكانه
امى بيت عمره مااتقفلت ببانه
بيتنا ياما من الهوى والشمس شرخت حطانه
فاكرة ياامى ايام الطفوله
فاضل كام سنه ياابنى واشوفك فى سنه اولى
لفت الايام عليا .والكلام اصبح مقوله
كنت بزعل من الكلام لما احس إنى صغير
يعنى آيه أمى تقولى خش أوضتك وغير
خش ذاكر اكتب حاجه او افتح كتاب
كنت طايش حالى حال كل الشباب
كبرت فجأه والمرار من كاسه سقانى
حقولها مرة واقولها تااااانى .امى هى ال كانت معيشانى
انتى كنتى الوحيده ال بله جوفى
انتى ادرى حد بيا وبظروفى
حابسه خوفى لما برجع وش الفجر وكل الناس نيااام
كانت تطبطب عليا وتقولى خش نااام
كنت بدلع عليها كانت تقولى عيب ده انا امك
بكره لما تعيش حياتى والسنين تجرى وراك
تبقى تعرف يعنى آيه كلمة حمول مستنياك
ياابنى ركز بكره تفهم يعنى آيه كلمة ضنااك
لسه صوتك جوه ودنى لما قولتى إنتى ال ليا
خايف الايام تاخدنى بعدك انتى اكون ضحيه
تعبت ياأمى لما قولت اغيب لى فترة
حضنك انتى كان علاج مالئتوش عند الدكاترة
ياما قالوا البعد آسى ..بس أنا نشفت راسى
وغبت عنك لما كنتى محتجالى
اعذرينى مستحيل أعملها تاانى
ده انتى حضنك عندى بالدنيا ديا
اكتشفت فى الغياب حاجه كانت فايته عليا
ان انتى ياأمى نقطة الضعف ال فيا
والغريبه انى ماعرفتش قيمتك ..الا لما سبتك
تعبت انا من الوحده ..ماشفتش زيك ولا واحده
ومن غيرك شايل همى وبيسمى ..ياغاليه عليا ياست الحبايب ياأمى
سامحينى ووعى تزعلى منى .غلطه مش حتتكرر تانى
عمرى ماحزعلك ..وحبقى تحت رجليك اخدمك .ولو عوزانى
حتلقينى جانبك فى ثوانى
ده الحياه بعدك ماتسويش ...بعدك انتى ياامى مش عارف اعيش
نصيحه من شاب طايش بقدمها
اوعى فى يوم أمك تزعلها .
دى الجنه تحت اقدام الامهات ..الحق نفسك ولملم ال فات
قبل ماتندم ندم مش حتلحق تداويه
زى حنان وحضن امك عمرك ماتلاقيه
