إدن بقي
ــــــــــــــــــــــــ
هوه لسه الليل طويل
ولا فجرك قرب يبان
ياسجين جوه عشه
ومقفول عليك البيبان
امتي تدن وحشنا صوتك
اللي كان دايما إعلان
عن ميلاد فجر آتي
بعد منه شمس تطلع
نورها يملا الدنيا نور
يكسي البيوت والغيطان
يغزل شعاعها توبنا الابيض
نلبسه نحس الدفا
والعافية تسكن جسمنا
ويعلي صوت همسنا
حي علي الصلاه
حي علي الفلاح
حي علي العمل
لسه جوانا امل
عليي صوتك بالصياح
وإدن علي سطح الامل
صحي البشر للصلاه
وصحي العامل للعمل
إعلنها حي علي الفلاح
ياللي مات فيكو الامل
بكرة أحسن ماللي راح
وشمسه جوانا تكتمل
طول ماجوانا أمل
ــــــــــــــــــــــــــــــــــ
شعر /السيد حماد