ليه بتزعل من اللي ظلمك
وانت عارف مالبداية
انه لا يمكن يحبك
هو الغدر عنده غايه
فاكر انه هيقف جنبك
افتكر أصل الحكايه
عمره فى يوم ماشال همك
ماتفكرش وقول كفايه
ياريتك تغير طبعك
بص لنفسك فى المرايه
هو يدوب يستغل طيبتك
يستغلك للنهاية
شوف كم مره استغلك
وياما شفت منه أسية
يوم مايقف جنب منك
وتفكر انها حنيه
لو تخالفه يجي ويعايرك
وانت ماعندك درايه
عمره فى يوم مايقدرك
المحبه مش عطايا
لو نصحك فى يوم يضلك
لو تنافقه تبقى حبيبه
ماتفكرش غير فى نفسك
واشتري اهلك وبيتك
يوم ماتفكر انه ظلمك
راح تنهي على احلامك
انسى ظلمه وشوف مصالحك
ودور عالي شايل همك
أرفع إيدك وادعي ربك
يعوضك ويجازي الي ظلمك
(((أسامه جديانه)))