منايا إسعادك
مخدش قلبى على بعادك. ...وكل منايا إسعادك
واكون نيلك واكون زادك.. واكون الننى فى عيونك
تشوف بيا تكون ليا.....هوايا وزادى والميه
وعيزاك صادق النيه.....وانا حرساك وبصونك
هوانا بساط عليه نمشى.....ونتغطى بحنان رمشى
ولو يجى المعاد نمشى.....أرفض أمشى بدونك
يا واخد حته من قلبى.....أتمنى عليه وانا البى
عشقتك والهوى ذنبى......هعيش العمر مجنونك
بسيطه حياتنا هنعشها......ونحفظ ملحها وعيشها
يفكر مين يفركشها.......يشوف الويل فدا عيونك
الشاعر/أبوسريع إسماعيل