........( بإيدك طفيت شمعتي )............

........( بإيدك طفيت شمعتي )............

من غير ما اتعبك وتتعبني أو أعاتبك وتعاتبني

لا أعذبك ولا تعذبني ولا أقرب منك وتبعدني

لو كنت بصحيح شاريني وفاكرني مش ناسيني

وباقي علي عيشرة سنيني كنت ليه تجافيني

ليه وفين راح بينا الوفا ويتبدل ليه بالجفا

وليه حياتنا إتغيرت من فرح لألم

وتزيد بينا المسافات ونعيش في ندم

من يوم رجوعك.من غربتك وانت مش هو

وحنيتك مش حساها صادقه من جوه

والضحكه اللي كانت موجوده صبحت عدم

المال خلاك تتكبر عليا والغني ليه يغيرك

ولا الفقر هو اللي كان عليا مصبرك

ياخسارة ايامي ويا قلبك الغدار

كنت تتظاهر بالحنيه.وانت مكار

ليه خونت عيشرتي وخدعتني

وازاي.خدعني قلبي ومقدرتش افهمك

صحيتني من اوهامي علي جرحك

لما بانت قسوة قلبك وصدك

خليتني علي كل دمعه ندمانه

وعلي كل لحظه شوق كنت ليها سهرانه

في غيابك كتير وحشتني وشغلتني

وصبحت ندمانه علي اخلاصي معاك

وكل لحظه قدمتهالك وانا وياك

دانا ياما اتمنيت أفرح بهواك

وانت معرفتش يوم تفرحني

كنت معايا وقريب مني وبكلامك كنت تجرحني

وياما خدعت نفسي بفرحه كنت بتمناها

ومن عزة نفسي كنت.أكدب اوهام عيشاها

وكنت ادعي للصبر يصبرني علي حالي

دنا ياما وانا بين ايديك.كنت اشوف قسوة عنيك

وافضل ابكي صعبان عليا طيبة قلبي

وخوفي وانشغالي عليك وكنت اخبي

عيشت سنيني معاك حيرانه مليانه أوجاع

ودي الوقتي اشكي لمين حظي وحلمي اللي ضاع

ولمين احكي ع اللي شربته من مرار

وازاي أنسي اللي عانيته من ويل ليل ونهار

واللي حبيته وصبرت علي فقره لما اتغني باع

يعوضني ربي علي دموعي وسهر الليالي

وعذاب قلبي والسهد والضنا.ساعات نهاري

بإيدك طفيت شمعتي اللي كانت منوره ايامي

خواطر(اشرف الدغيدي )

حقوق الملكية محفوظ