صرخة وطن
صرخة وطن بيقدم
كل يوم شهيد جديد
قدم اليوم علي طفل جميل
محلاك حبيبي مين اللي ظلمك
مين فيهم اللي اهدر دمك
مين اللي علا صوت الزناد وخلي
الرصاصة تخترق شرايين قلبك
ياجمالك ياعلي ليه يتعمل في اولادنا
لية الوحشة تيجي عليهم تخطفهم
فين الاّمان اللي كنا بنطلبة
فين السلام اللي تعبنا ننادي بيه
بقي الظلم فينا جوانا ومالينا
ياخسارة علي طفل كان نفسه
يعيش عيشة الاّسياد وما حصل
كان خارج يقول احنا شجعان
ابعد عن اراضينا يامغتصب
كان نفسه يكمل حلمه اللي بدأ
كان شايل فرحة لقلبه
يوم ماشعبه ينتصر
كان نفسه ترجع القدس لاهله
من غير حرب ولا قهر ولا وهن
كان ياعيني علي صبي كمثل القمر
شوف عيونة شوف طلتة
ابن موت يابني والزمن كتب
كتبلك شهادة وفاتك قبل الكبر
قبل ماتشوفك امك رافع
رايات الاّمل
حبيب امك اذيها دلوقتي
حببتي صرختها لما جلها الخبر
خلت الحجر والله نطق
قال الحجر لو اعرف ان الرصاصة
جاية ليك تسكن صدر البطل
كنت جريت عليه وخدتة بحضني
والله الحجر قلبه انفطر
وجت الام جنب الحجر
تبكي وتصرخ ابني اتظلم
ياناس يااوطاني ايه جرالينا
ليه خلتوهم يخطفوا عيالنا
ليه ايدهم علي الزناد ويهاجموا
ويصفوا شبابنا وولادنا وجمالنا
ولادنا زينة شباب مافرحش
ولسه علي الجامعة مرحش
والله ابني اتقطع عليه قلبي
فين ياوحدة الاّوطان
فين سلامنا والاّمن والاّمان
هان عليكم الدمعة تقتلنا
ورصاص طايش يهزمنا
والله الرصاصة مش طايشة
دة طالعة ببركان غصب
وعمرنا ماالضعف هيكسرنا
وانت ياعلي شهادتك اليوم
عند ربك وليلتك زفة وفرح
وحور العين حواليك تزفك
واحنا نقول كل يوم شهيد
لجل عيون وطن اتحامي
وحاول يرجع الغايب
لاعرفنا نرجع حقنا
ولا عرفنا ناّمن عيالنا
بقينا بغابة وبيكلونا الديابا
وصعب علينا اولادنا ونفسنا
يارب برد قلب ام ضاع منها ولدها
علي الجميل زينة ولاد الارض
اللي باتت بتشكي وتئن
ولسه عيلنا هيتصفوا
طول ما الحقوق غايبة
ورب المظالم هيرد للمظلوم
حقة وللشهيد ارضه
ويعوض اهالينا بفلسطين
برجوع القدس عربية
ويرجع حق علي عريس الجنة
فين حق علي....كلماتي ...بقلمي الشاعرة /نادية ابراهيم