💞 أنا طفله 💞 قصيدة بقلم الشاعره/نجلاء_طاحون

 ✿ أنا طفلة ✿

أنا طفلة بكتاب الحياة 

تتهجي حرف في عمرها 

ترسم علي جدار الأمل 

حلم وطريق مايهدها 

لكني خايفه م السكك 

مني تتهوه عن حلمها 

والحمل بيزيد في السنة 

مع كل مرة تحسها 

أنا صفحة تجذب أي نور

يكتب عليها محبته

والقلب مخلوق من دفا

والضحكة زاده وقوته

وشي القمر .. والشمس جار

برسم أنا بحنتها دار

وان تهت منها تضمني

وتقولي روحك دي مدار

انا طفلة عايزة تبتهج 

وتعيش براح يملاه سكون 

او تحبي فوق جذر الحياه

فتلاقي شوك بيغطي شوك

تنزف براءة بتتهدر 

تبتر في روحها م الجنون 

مغصوب عليها م الوجع 

فتعيش حياتها بين ظنون 

#نجلاء_طاحون