جنايني
قلبي في هواك جنايني
كان بيروي فيكي بحنان
يحس امتي كان الوجع
وامتي هيكون
يسمع في سكاتك اهات
بمية طعم ولون
امتي ينبت جواكي الم
حبستيه عن العيون
نشأتك كانت علي ايده
مأخالفته فيكي ظنون
لما طرحت بين ضلوعك فرحه
كان هو اللحن والمغني
بس عيبه كان ان مامنعش
فضل يكبر ويروي ومااقتنعش
انه ويا اهتمامه بيربي فيك
الشوك
وانه اسير حبه لعبيرك
هيكونله يوم مملوك
وانك لو فتحتي يوم
عنه اكيد تستغني
بين ضلوعي كانت ارضك
داست فيها خطاياكي
اندفنت خلاص جواه
وبات هو من ضحاياكي
وعنك لاقادر يمنع حنيه
يخاف تدبلي جواه وتموت
ذكراكي قبل ماتحني
من كتر الطبطبه شققت الكفوف
والضحكه عالشفايف عاشت بالخسوف
احيا فيكي كل حاجه كانت ماتت
والبسمه علي اغصانك اترسمت بانت
وطرحها فات بستاني وفاتني
قلبي في هواكي اغفل جنايني