بحق الارض والعشره
وحق الطين وحق سنين
وحق يومين
ما شفناهم الا علي أيدكم
تقولو انتو تطلعوا مين
لا يرضي حد عمايلكم
وبدعي عليكم م الحرقه
وم الخنقه ليوم الدين
يابني آدمين مفيش فيها
بجرام رحمه
يازحمه كره مليانه خلاص فجرت
ياقسمه عدل مالت بينا و اتعوجت
يا عيشه بظلم باتت لينا واتحسبت
وياريتنا كنا عجبنكم
بقينا ف الغلا عايشين
بقينا ف الوبا نايمين
بقينا للحياه كارهين
ماتقولو انتو تطلعو مين
ومين اداكو حق ف حق
مابينا وزينا مقاسمين
بتنكروا حق مين من مين
بدافع مين لصالح مين
علشان مصر وحقوقها
طب احنا برده مصريين
بنشقي ونجري ف الدنيا
بناكل طين
عشان نداري ف بيوتنا
ونلقي الراحه لو ساعتين
تيجوا انتوا ليه تهدوها
بحجه اننا مخالفين
لا عمرنا كنا بنخالف
وربنا ع الكلام شايف
وحمدينه علي العيشه
ولا اتمنينا نتحاسب
تحسبونا علي الدقه
وعيشه ماشيه ب الذقه
أبوها دي عيشه مش لازمه
ومن حالًا بقول لقه
لا هسمع ليكوا ولا حاطط دماغي ف رمل
بنتقدم ولا راجعين تاني زمن الجهل
شباب تايه وعايشين عيشه مليانه قهر
بسبب الضغط
لا حاسين بينا ولا سايبنا ليه ف حالنا
لا عاجبينا ولا عجباكوا أحوالنا
بلاش تأذونا في حياتنا
وبتقسمونا ليه ف قوتنا
دا لو تختبروا قوتنا
تغور الدنيا مش فارقه
دي عيشه ولا دي اكتر
لا خايف منكو ولا هصبر
لا ليا شي يخوفني
ولا عيشتي بتتغير
يا أعيش عيشه بما يرضي الله
يا مش محتاج اعيش يا حياه
يا اسيب ارضي واروح وأمشي
واشوف نفسي ف بلاد الله