.... حق مشروع....
معايا حق مشروع
اقوله بصوت مسموع
حتى لو كان موجوع
قفلت باب الرجوع
حق مشروع
من حقى أرفض كلامك
واصر واعلن خصامك
وابعد حتى فى منامك
واطفى كل الشموع
حق مشروع
من حقى اوصل لمرسى
وأرمى غرامك فى منسى
واقول لبعدك دا قسمه
واقولك مالك رجوع
حق مشروع
من حقى أرفض اشوفك
وأرفض اقرأ حروفك
ومهما كانت ظروفك
انسى بقى الموضوع
حق مشروع
غدرك كان القضية
علم قلبى القسيه
وارحل من غير تحية
غرامك كان مصنوع
حق مشروع
كلمات
محمد السيد سالم