وفات علينا بالمره
سنين مُره
وتيجي العسرة
وراها عسرة
ومستوره أكيد بكره
وافكر ليه فى امبارح
ماهو راح واللي جي رايح
لابد ارتاح
من اي جراح توديني
وتجيبني للي ناسيني
يحطم كل افكاري
ومن داري يخرج
كل اسراري
ماهو بايع ومش شاري
ولا عمره فى العسره هيداري
لقيت الفرح ادامي
وضحكت له الشفايف
مع ان من جوايا خايف
يكون مش ليا ويتعفف
عن الملاغية ولا يشرف
يسلم حتى بعيونه
ومن لونك لقيتك
يافرح كداب
لاجيت ولا خبطت
علي الباب
استنيتك وقلت هييجي
لقيت الحزن داخل اسراب
عمرنا ماكنا يافرح اصحاب
تزعلني وكان على أيه
تتوه مني ماتسألني
واقولك على تاه منك
وافرح لما تزورني
وتيجي المطره وياك
لآلئ نازله من ميه
بتسقي قلوبنا حنية
وتيجي الشمس العفيه
تلاقي هدومي مندية
تسلط نورها من تاني
وتخطف كل الحاني
وابات ولا شئ هناني
ماهو فات علينا بالمره
سنين مُره
واهي مرة من المرات
واهو احنا
فى انتظار بكره
(((أسامه جديانه))) لم