و السهر ساكن ف عيني
عن يميني الشوق كشادر
سلعة ثابتة ف سوق رخيص
عن شمالي بوادر الحب اللي سايب
ريحته ف لياقة القميص
مكتوبلي أكون زي المقص
أقطع حديث الناس
من نص جملة بتبتدي بتأبين !
و أنظر بعين الفزع
ع الظلم ف الميزانين
مكتوبلي أمارس ف الزمن
كل الشجن بالصمت
شاعر صبح مانيكان
و أما أتحرك رفضت تتكلم مع إنسان
ف شهر مارس بحتفل
بعيد ميلادي الجي من إبريل !
أشبك ف حبل غسيل
وجع الليالي الصوف
ينشف و سايب ع الحبال ريحته
صاحبي اللي فاضل من أمل
بالوحدة ريحته
فأمنت إني جرحته من جهلي
قرب جفيته ! .. بعدت فندهلي
كان بينا عشرة الحب شرعها
و الملح لما أتباهى باللقمة
كان بينا خطوة مشيتها على مهلي
و رفضت أمارس قربي بالهمة
و تركته وحده ف عز أوجاعه
و البعد قابل جرحه ف الزحمة
#مانيكان
#elpop