(حرقت المفاجأة)بقلم الشاعر/علاء أحمد عبد النبي

 ..#حرقت_المفاجاة#..

    ************

كلمات/علاء احمد عبدالنبي

        ***************

معقول الحظ دة...... 

معقول بالشكل دة.!!!! 

لما أنوى أرد حقى...

 ألقاك ضعيف كدة.!!!! 

ودموع مش وقتها... 

ولاشوفت زيها....

ولا متوقعها منك....؟!! 

دى مفاجأة ..حرقتها....؟!!

#حرقت _المفاجأة#. 

إللى قلبى كان عايزها

#حرقت_ المفاجأة#.. 

إللى عشت سنين أجهزتها

#حرقت المفاجأة#

كنت هداوى جراحي بجرحك.. 

كنت هحدد أيام فرحك... 

كنت بفكر ألعب دورك.. 

علشان بس الجرح يزورك.. 

بس الحظ طلع من صفك... 

تضعف قبل ما جرحى يطولك.. 

شوفت الدنيا ولعب القدر.. 

لما أقوالك تيجي تنكسر.. 

وأنا غرقان فى بحور أحزانك.. 

أنا كان نفسي أبقى مكانك..

أجرح واظلم فيك لو مرة.. 

بس سبقني الدمع وجالك... 

#حرقت المفاجأة#

قول من إمتا إنت بتستحي.. 

مجروح ولا ضميرك صحي... 

دوقت الدمع ودقت النار.. 

يالى ظلمني طول المشوار.. 

جاى دلوقتى بتعلن أسفك.. 

بعد ما كنت قوى وجبار... 

أة لو كنت صبورت شوية.. 

أة لو كنت صبورت عليا.. 

كنت هتشرب كاس المر..

كنت تعد نجوم الضهر.. 

بس شفعلك دمعك عندى.. 

وخلاك كدة من إيدى تمر.. 

#وحرقت المفاجأة#