( العمر لحظه )
بقلم الشاعر : حسن حلمى
لو نويت تنسي اللي كان
واللي فات والذكريات
خد معاك شوق السنين
والخدود متبسمين
واسقي ورد العمر كله
بالندي فوق الجبين
وان قابلتك مره صدفه
احضن القلب بعينك
لملم الشوق والحنين
بلمسة دافيه من الايدين
وقولي فينك من زمان
قبل ما يفوت الميعاد
وافتكرلي لحظه حلوه
يوم ما كانت بينا غنوه
غنيناها من سنين
والعيون متبسمين
يا حبيبي فات زمان
والعيون متشوقين
والقلوب تبعت سلام
تلمس النسمه لهواك
وقوام تبعد بعيد
قبل ما تفارق وتهجر
قولي فين بس المكان
ننظر العيون بهمسه
او بلمسه من الايدين
لسه حضن النبض دافي
زي ما كنا زمان
بس طمني عليك
واحضن القلب بعينك
وخد معاك اجمل سنين
يوم ما ضحكتلي عيونك
يومها كنا فرحنين
مشتاقين لك مشتاقين
مهما قالو فات سنين
ده في حياتنا العمر لحظه
وعمره ما يعود بالسنين
اه واه من طول فراقك
وطول بعادك مشتاقين
انت عارف انت غالي
مهما تبعد باليالي
لسه ليك القلب خالي
والعيون متشوقين
بقلم الشاعر : حسن حلمى