سافر حبيبي وقال راجع بعد يومين
وغاب الآسي بقالوا شهرين
عدوا عليا مرار وعذاب سنتين
غاب عني من غير اسباب
وتعبت معاه من كتر العتاب
يرضيكم يااهل الغرام والهويٰ
يبعد عني ويسرق مني الهنا
حتي طيور المراسيل
غابت عني نهار وليل
وأقيدله الشموع ليلاتي
سمعاه بيناديني ياحياتي
وتخلص كل ليله كل الشموع
وعلي خدي. نار ونازله الدموع
صعبان عليا الهجر والجفا
كل ليله دموع وبكا
و قلب حبيبي مابيحن عليا
هان عليه يغيب ويطفي نور عنيا
شهور وكل يوم بيعدي عليا سنه
واعيش من غيره ازاي أنا هنا
بعد ماعودني علي حضنه كل يوم
يروح ويغيب وعيني تنسي النوم
كنت ليل ونهار متهنيه معاه بهوايا
ودي الوقتي بتكويني نار أشواقي جوايا
وآااه. منك ياحب آااه
ازاي أحب واعيش الأآااه
وآه من الهوي آه منه ياني
ده قرب الحبيب بيعدي اليوم ثواني
ويعدي سنين لما حبيبه يكون وحدآني
ليه نعيش ياحب في ألم وأوجاع
ونلاقي الأمل في قلوبنا بإيدينا ضاع
خواطر ( اشرف الدغيدي )
حقوق الملكية محفوظه