بقلمى الشاعر/ محمد غبن
شاعر آل غبن
12/5/2020
سبتنى بشوق قاتل
قاعده ومتحمله إنتظارك
يعدى عليا اليوم أقول اصبرى
بكره هيجى ويخبط عليك بابك
وبكره يجيب بكره والظاهر
والله أعلم وأنت ولا على بالك
حتى لدرجة أما بتوحشنى
بروح مكان حبنا يسألني ايه مالك
بتنزل دمعتى غصب عنى
مرضتش أقول على حالى وحالك
بكتفى بالدموع علها
تكون ليك في يوم رساله
تحنن قلبك م الجفا تخلينى بس
اعيش وتخرجني من الحاله
ماأملكش غير أكتبلك جايز
تحس بيا ولا عندك أستحاله
كل الزهور والورد ليه بيفتحوا
لإنها شايفه من حبيبها رعايه
وأنت مش همك غير تسافر
وتبعد وكأنك بتزيد ف العناد
حتى المره دية طولت في غيابك
نفسي اشوفك و أحس بالوداد
ولا أنت خلاص إتعودت
وفرحان بالغياب والبعاد
=====================
طيب ليه أنا غايب
مسألتيش نفسك ميت سؤال
ولا حد بيشتهى الغربه كفايه
بنشوف الشقي والغلب والأهوال
يعنى من عمرنا كلنا وإنت
بعينك شايفه عندك الدنيا والحال
صدقيني نفسي اعيش
من غير خنقه كفايه علينا الحياه
وبكره إن شاء الله هنفرح
بحياتنا وتملي البيت علينا بالعيال
بلاش تفكرى وإعرفى إنك
بالقلب مهما العمر بينا طال