رسل بنتى حبيبتى وكمان نور عنيه
سئلت سؤال وقالت هو صعب عليه
الصعب أن الاجابه محتاجه شموليه
وسؤالها اخد ايه معايا اول يوم كليه
انا لازم اجاوب عليها اجابه تكون وفيه
لانى عارف بنتى فاهمه و كمان ذكيه
هتبقى نصيحه ثابته ممكن تكون ابديه
وعصرت كل افكارى وخبرة الدنيا ديه
خدى معاكى مصحف ودا اجمل هديه
يحميكى من كل شر وكل عين رضيه
هتلاقى فيه نصايح تعلم كل البشريه
وشهدله كل العالم والاديان السماوية
خدى معاكى ثقة اهلك سمعتك النقيه
صورة اخواتك وهما ماسكين فى اديه
بنات عمك وخلاتك والسيره الذاتيه
اتناشر سنه دراسه من اول الابتدائيه
خدى معاكى احترامك عزه نفسك ابيه
خدى رحمه وبشاشه ومعاها انسانيه
خدى نصايح امك خليها اجمل وصيه
وخدى اسم ابوكى وقولى بين عنيه
كلمات
محمد السيد سالم